Գէորգ Եազըճեան կը շարունակէ հայ մամուլին սիրայօժար կերպով ու պարբերաբար ղրկել մատենագիտական տուեալները Հայրենիքին թէ սփիւռքի գաղութներուն մէջ լոյս տեսած` հայագիտական բնոյթի նոր հրատարակութիւններուն` ի գիտութիւն ընթերցող լայն հանրութեան, մասնաւորաբար` գրադարաններուն եւ հայագիտական շրջանակներուն:
– «Ազգային եւ եկեղեցական աւանդութիւններ», հրատարակիչ՝ Սուրիահայ օգնութեան խաչի դաստիարակչական յանձնախումբ, տպարան «Արեւելք», Հալէպ, 2026, 142 էջ (հայկական եկեղեցական տօներն ու անոնց առնչուած ժողովրդային աւանդութիւնները, լուսանկարներ ու պատկերներ)։ Լոյս տեսած է SALT բարեսիրական կազմակերպութեան նիւթական օժանդակութեամբ։
– Բեգլարեան Մանուէլ, «Գործիքագիտութիւն – Հայ ազգային նուագարաններ», մասնագիտական խմբագիր՝ Նորայր Դաւթեան, խմբագիրներ՝ Գէորգ Եազըճեան եւ Բաբգէն Սիմոնեան, «ՎՄՎ-փրինթ» հրատարակչութիւն, Երեւան, 2026, 32 էջ (16,3 x 23,2 սմ.) (ներածութիւն, հայոց՝ փողային, լարային եւ հարուածային ազգային նուագարաններու հակիրճ նկարագրութիւնը, գունաւոր պատկերներ, հեղինակին կենսագրութիւնն ու գունաւոր լուսանկարը)։
– Գասպարեան Դաւիթ, «Պարոյր Սևակ: Կեանքը եւ ստեղծագործութիւնը», «Անտարես» հրատարակչութիւն, Երեւան, 2025, 712 էջ:
– Գասպարեան Դաւիթ, «Եղիշէ Չարենցի գրական-քաղաքական աղերսները», ՀՀ ԳԱԱ «Գիտութիւն» հրատարակչութիւն, Երեւան, 2026, 692 էջ: Տպագրութեան երաշխաւորած է ՀՀ ԳԱԱ պատմութեան հիմնարկի գիտական խորհուրդը: Տպագրուած է Համազգային հայ կրթական եւ մշակութային միութեան հովանաւորութեամբ:
– Զարեան Արա, «Սիւնեաց աշխարհի բերդերը Թ.-ԺԴ. դարեր», յառաջաբանը՝ Աշոտ Հայկազունի Գրիգորեանի, հեղինակային հրատարակութիւն, Երեւան, 2026, 512 էջ (27,5 x 31 սմ.) (հեղինակին՝ 1983-1990 տարիներուն կատարած պեղումներուն արդիւնքները, հարիւրաւոր լուսանկարներ, եզրերու բացատրական բառարան, օգտագործուած գրականութեան ցանկ, բազմաթիւ քարտէսներ, յատակագիծներ, գծագիրներ)։ Լոյս տեսած է Ալեքսանտր Թամանեանի անուան ազգային թանգարան-հիմնարկին աջակցութեամբ՝ Հ․ Բ․ Ը․ Մ․ի «Վահրամ Ապտալեան մշակութային հիմնադրամ»ին միջոցներով իբրեւ անոր 12-րդ հրատարակութիւնը։
– Թովմասեան Պետրոս, «Աբբասեան խալիֆայութեան վերջին պատմաշրջանը եւ հայութիւնը (991-1258թթ.) – Հայ մայրեր ունեցած աբբասեան խալիֆաներ», ՀՀ ԳԱԱ պատմութեան հիմնարկի հրատարակչութիւն, Երեւան, 2026, 200 էջ (17 x 24 սմ.) (արաբերէն)։
– Թոփալեան Բարունակ (Topalian Parounag), «Իմ հայրենի գիւղս Օխու» (My Native Village Okhou), հայերէնէ թարգմանեց Սիմոն Պէօճէքեան, Հայկազեան համալսարանի եւ “Հայրենիք” հրատարակչութիւններ, “Յուշամատեան” մատենաշար թիւ 1, Պէյրութ, 2026 (1943-ին Պոսթոնի մէջ լոյս տեսած՝ Խարբերդի նահանգի Բալուի գաւառակի Օխու գիւղին պատմութիւնն ու ազգագրութիւն-բանահիւսութիւնը)։
– Ւսնար Սեդրակ Թանէր (Isnar Setrak Taner), «Կորսուած սուրբ երկրաչափութիւններ. Վերակենդանացլեով միջնադարու հայկական եկեղեցիներու ճարտարապետութեան լեզուն» (Lost Sacred Geometries: Resurrecting the Architectural Language of Medieval Armenian Churches), լուսանկարները՝ Հրայր Բազէ Խաչերեանի, յառաջաբանը՝ Փաթրիք Տօնապետեանի, խմբագիր՝ Լենոր Հիթքամփ (Lenore Hietkamp), «Ֆայրֆլայ» (Firefly) հրատարակչութիւն, Նիւ Եորք/Ռիչմոնտ հիլ, Գանատա (NY/Richmond Hill, Canada), 2026, 424 էջ (27.9 x 27.9 սմ․) (Միջնադարի հայկական եկեղեցիներու երկրաչափական առանձնայատկութիւնները, բազմաթիւ լուսանկարներ եւ յատակագիծեր, օգտագործուած գրականութեան ցանկ) (անգլերէն)։
– Կիւրսել Զեյնեփ Տեւրիմ (Gürsel Zeynep Devrim), «Պատկանելութենէ զրկութեան լուսանկարներ. Լուսանկարային ճամբորդութեան միջով» (Portraits of Unbelonging: Photographic Journey Across), Սթանֆորտի համալսարանի հրատարակչութիւն (Stanford University Press), Ա. Մ. Ն., 16 յունիս 2026, 440 էջ (15,1 x 22,7 սմ.) (Ա. Մ. Ն.ի Ռութճըրս (Rutgers) համալսարանի մարդաբանութեան թրքուհի դասախօսը կը ներկայացնէ 1896-1908-ին Օսմանեան պետութենէն արտագաղթած 4000-է աւելի հայոց՝ ելքի համար պարտադիր լուսանկարները եւ անոնց մէջ երեւցող հայոց հետագայ ճակատագիրները) (անգլերէն)։
– Մանուկեան Աբէլ քհն., «Հայ եկեղեցին ժամանակի մարտահրաւէրների դիմաց», «ՎՄՎ-փրինթ» հրատարակչութիւն, Երեւան, 2026, 168 էջ (13,9 x 21,1 սմ.) (յօդուածներու ժողովածու Հայ Առքելական Եկեղեցւոյ բարեկարգման անհրաժեշտութեան մասին):
– Յարութիւնեան Աւագ, «Եկեղեցի-պետութիւն փոխյարաբերութիւնները Խորհրդային Հայաստանում 1920-1930-ական թուականներին», Մայր Աթոռ ս. Էջմիածինի հրատարակչութիւն, Վաղարշապատ, 2025, 239 էջ (յաւելուած՝ փաստաթուղթեր, ռուսերէն եւ անգլերէն ամփոփումներ, օգտագործուած սկզբնաղբիւրներու եւ գրականութեան ցանկ)։
– Ոսկանեան Աշոտ, Յարութիւնեան Կարէն, Չըթըրեան Վիգէն, Կարապետեան Մկրտիչ եւ Յովհաննիսեան Հայկ, «Պարտութիւն – Ղարաբաղի 2020-ի պատերազմի վաւերագրումը» (Defeat – Documenting the Karabagh War of 2020), հայերէնէ անգլերէն թարգմանութիւնը՝ Արա Սարաֆեանի, հրատարակիչ՝ Կոմիտաս հիմնարկ, Լոնտոն, 2026, 148 էջ (2024-ին հայերէն լոյս տեսած ուսումնասիրութեան թարգմանութիւնը՝ լրամշակուած, քաղաքական եւ զինուորական բարձրագոյն պաշտօններ վարած 30-է աւելի անձերու հետ կատարուած հարցազրոյցներ ու եզրակացութիւններ, 44-օրեայ պատերազմին ժամանակագրութիւնը, գունաւոր քարտէսներ) (անգլերէն): Գիրքը հրատարակուած է Գալուստ Կիւլպէնկեան հիմնարկութեան աջակցութեամբ՝ անոր «Սփիւռքի հեռանկարներ» նախաձեռնութեան ծիրին մէջ։
Պատրաստեց
Գէորգ Նաթալի (Եազըճեան)
