1918-1920/21 թվականներին՝ Հայաստանի Հանրապետության շրջանում, Երևանում և այլ քաղաքներում հրատարակվել է ավելի քան 40 անուն պարբերական՝ պետական-պաշտոնական, հասարակական-քաղաքական և մասնագիտական:
Ներկայացնում ենք պարբերականների ոչ ամբողջական ցուցակը
«Կառավարութեան լրաբեր» – գործադիր իշխանության մամուլի օրգան, լույս է տեսել 1918-20թթ՝ հայերեն և ռուսերեն (միայն 4-րդ էջը)
«ՀՀ օրենքների ժողովածու» – դեռ 1918թ. ամռանը լույս էր տեսնում Երևանի Ազգային խորհրդի լրատուն: 1919թ. սկսում է լույս տեսնել ՀՀ օրենքների հավաքածու-տեղեկագիրը, որն ունեցել է 19 համար:
«Աշխատանք», ՀՅԴ օրգան, լույս է տեսել Երևանում՝ 1916-1919 թթ:
«Նոր կեանք», ՀՅԴ օրգան, լույս է տեսել Երևանում՝ 1918թ:
«Զանգ», ՀՅԴ օրգան, լույս է տեսել Երևանում՝ 1917-1919 թթ, առաջին խմբագիր՝ Սիմոն Վրացյան:
«Հայաստանի աշխատաւոր», ՀՅԴ օրգան, լույս է տեսել Երևանում՝ 1917-1919: թթ:
«Յառաջ», ՀՅԴ Բյուրոյի օրգան, լույս է տեսել Երևանում՝ 1919-1920 թթ, առաջին խմբագիր՝ Սիմոն Վրացյան:
«Հայաստանի կոոպերացիա» երկշաբաթաթերթ, լույս է տեսել Էջմիածնում՝ Մայր Աթոռի տպարանում, 1919-1920 թթ, օրգան Երևանի նահանգի կոոպերատինվերի միության, առաջին խմբագիր՝ Սիմոն Վրացյան:
«Շիրակի աշխատաւոր», ՀՅԴ օրգան, լույս է տեսել Ալեքսանդրապոլում, այսօր՝ Գյումրի՝ 1919-1920 թթ:
«Արարատեան աշխատաւոր», ՀՅԴ օրգան, լույս է տեսել Էջմիածնում՝ 1919թ:
«Որոտան», ՀՅԴ օրգան, լույս է տեսել Գորիսում՝ 1918-1919 թթ:
«Սիւնիք», ՀՅԴ օրգան, լույս է տեսել Գորիսում՝ 1918-1920 թթ:
«Ժողովուրդ» օրաթերթ, Հայ ժողովրդական կուսակցության օրգան, լույս է տեսել Երևանում՝ 1919-1920 թթ:
«Նոր կեանք» օրաթերթ, Հայ ժողովրդական կուսակցության օրգան, լույս է տեսել Ալեքսանդրապոլում՝ 1919թ:
«Սոցիալիստ-յեղափոխական» շաբաթաթերթ, Սոցիալիստ-հեղափոխականների՝ էսեռների օրգան, լույս է տեսել Երևանում՝ 1919-1920 թթ:
«Կայծ», ՌՍԴԲԿ՝ մենշևիկների Հայաստանի կազմակերպության բյուրոյի և Երևանի քաղաքային կոմիտեի օրգան, լույս է տեսել Երևանում՝ 1918-1919 թթ:
«Խօսք», հայ բոլշևիկների օրգան, լույս է տեսել 1918-1919թթ՝ 22 համար, փակվել է 1919թ. մարտին՝ նյութական միջոցների բացակայության պատճառով:
«Ալիք», հայ բոլշևիկների օրգան, լույս է Ալեքսանդրապոլում, այսօր՝ Գյումրի: Ունեցել է միայն մեկ համար և փակվել որպես «հակակառավարական, հակադաշնակցական ուղղության թերթ»:
«Բանբեր», հայ բոլշևիկների օրգան, փակվել է կառավարության կողմից:
«Լոռու գյուղացու ձայն», հայ բոլշևիկների օրգան, երկշաբաթաթերթ, լույս է տեսել 1920թ. հունվար-ապրիլ ամիսներին, 5 համար, փակվել է կառավարության կողմից:
«Սպարտակ», երիտասարդ բոլշևիկների օրգան, լույս է տեսել 1920թ, միայն մեկ համար՝ նվիրված Մայիսմեկյան տոնակատարությանը, որից հետո այն փակվվել է ՀՀ կառավարության կողմից՝ հակապետական քարոզչության համար:
«Շանթ», ՀՅԴ աշակերտական օրգան, լույս է տեսել 1918-1919թ:
«Երկիր», ՀՅԴ աշակերտական օրգան, լույս է տեսել 1919թ:
«Յոյս», ՀՅԴ աշակերտական օրգան, լույս է տեսել 1919թ:
«Գիւղատնտեսական հանդէս», լույս է տեսել մեկ համար՝ 1920թ ամռանը:
«Ռազմիկ», ՀՀ զինվորական նախարարության օրգան, լույս է տեսել 1920թ.:
«Էջմիածին» շաբաթաթերթ, Մայր Աթոռի օրգան, լույս է տեսել 1920 թ հունվարից:
«Թոթովանք», Ամերիկյան կոմիտեի որբանոցների աշակերտական միության օրգան, լույս է տեսել 1919 թ:
1918 թվականի վերջերին Հայաստանում հիմնադրվեց Հայաստանի հեռագրական գործակալությունը, որը այսօրվա Արմենպրեսն է: Գործակալության առաջին խմբագիրը Սիմոն Վրացյանն էր: Հայաստանի հեռագրական գործակալությունը գտնվում էր կառավարության վերահսկողության տակ և գործում էր նրան կից:
1918 թվականի հոկտեմբերին Հայաստանի խորհուրդը՝ խորհրդարանը, օրենք ընդունեց ռադիոկայան գնելու, բերելոի և Երևանում հիմնադրելու մասին: 1919 թ սեպտեմբերին Երևանում բացվեց ռադիոկայան:
1918-1920 թվականներին Հայաստանի Հանրապետության տարածքում գործել են 11 տպարաններ, որոնցից՝
Երևանում – 4 հատ,
Ալեքսանդրապոլում, այսօր՝ Գյումրի – 3,
Վաղարշապատ – 1,
Նոր Բայազետ, այսօր՝ Գավառ – 1,
Գորիս – 1,
Կարս -1 հատ:
Տպագրական գործը գտնվում էր անմխիթար վիճակում, քանի որ սարքավորումները հին էին, չէին բավականացնում անհրաժեշտ քիմիական ներկերը, սուղ էր թղթի վիճակը: Միայն Երևանի Ուրարտու հրատարակչության տպարանն էր, որ համապատասխանում էր ժամանակի պահանջներին:
Աղբյուրը՝ Գուրգէն Վարդանեան, «Մշակոյթը Հայաստանի Առաջին Հանրապետութիւնում» (1918-1920), Անթիլիաս, 1919, էջ 193-204