2017 թվականի մայիսի 14-ին լրագրող Թաթուլ Հակոբյանը Շուշիի ազատագրման 25-ամյակի առիթով՝ Արցախյան կարգավորման, Երևան-Անկարա հարաբերությունների, Հայաստանի արտաքին քաղաքականության մարտահրավերների թեմաներով ելույթ կունենա Տորոնտոյում, Կանադա:
Հակոբյանը Կանադա է այցելում ՀԲԸՄ-ի Մոնրեալի մասնաճյուղի հրավերով, իսկ Տորոնտոյի ձեռնարկը կազմակերպել է Տորոնտոյի Հայ Ակումբը:
Թաթուլ Հակոբյանը ՍԻՎԻԼԻԹԱՍ հիմնադրամի վերլուծաբան է (2009-ից ի վեր), Երևանի պետական համալսարանի դասախոս (2010-ից ի վեր) և Հայկական ուսումնասիրությունների ԱՆԻ կենտրոնի համակարգող (2014-ից ի վեր): Նրա ռեպորտաժները հեռարձակվում են ՍիվիլՆեթ առցանց հեռուստատեսությամբ:
Լրագրող Թաթուլ Հակոբյանին շնորհվել է Մամուլի ազատության համաշխարհային օրվան նվիրված 2016 թվականի «Մամուլի ազատության ժամանակը» մրցանակը ՝ Ղարաբաղյան հակամարտության հետևողական և համակողմանի լուսաբանման համար: 2005-ին Երևանի մամուլի ակումբը նրան ճանաչել է տարածաշրջանային խնդիրները լուսաբանող տարվա լրագրող: 2009-ին Երևանի մամուլի ակումբը նրան մրցանակ է շնորհել «Կանաչ ու սև. արցախյան օրագիր» գրքի համար: 2014-ին «Հայեացք Արարատէն. Հայերը և Թուրքերը» հատորը արժանացել է «Հայկաշեն Ուզունեան» մրցանակի և դրամական պարգևի:
Տորոնտոյում կայանալիք դասախոսության ընթացքում Հակոբյանը կներկայացնի ինչպես իր հեղինակած, այնպես էլ ԱՆԻ կենտրոնի հրապարակած հատորները:
Հայկական ուումնասիրությունների ԱՆԻ կենտրոն
Դիտել և կարդալ նաև՝
