Նախորդ մասը՝ https://www.aniarc.am/2016/02/04/httpwww-aniarc-am20160129classical-orthography-part-8/
Է-ով են գրւում ժողովրդային այնպիսի ձևեր, ինչպէս՝ հէր, մէր, ախպէր, գէլ և այլն:
Բառամիջում է գրւում է նաև բայերի մի քանի ձևերում, ինչպէս, օրինակ, անցեալի հետևեալ ձևերի մէջ՝
գրէի
գրէիր
պիտի գրէր
պիտի գրէիր
գրէիք
բերէի
կբերէի
եթէ բերէի
ասէի
կգրէր և այլն
Է-ով են գրւում եմ օժանդակ բայի այնցեալի ձևերը՝
էի
էիր
էր
էինք
էիք
էին
ինչպէս նաև ներկայ ժամանակի յոգնակի երկրորդ դէմքը՝
գրում էք
խօսում էք և այլն:
Է–ով են գրւում հրամայականի ձեւերը – էք վերջաւորութեամբ՝
գրեցէ՛ք
գրէ՛ք
կարդացէ՛ք
ասացէ՛ք
խօսէ՛ք
խաղացէ՛ք և այլն:
Ձայնաւորից առաջ է լսուելիս գրւում է նոյնութեամբ՝ է, օրինակ՝
քնէած
հրէական
այժմէական
Անդրէաս և այլն:
Է գրւում է նաև ապառնիի ձևերում, ինչպէս՝
գրէք
եթէ գրէք
կգրէք
արդեօք կգրէ՞ք
պիտի գրէք
ուտէք և այլն:
Ք-ից առաջ սովորաբար է լսուելիս գրւում է է:
Է-ով գրւում են մի շարք յատուկ անուններ, այդ թւում՝
–էն-ով վերջացող՝
Արմէն
Արսէն
Զաւէն
Խորէն
Կարէն
Շահէն
Ռուբէն
Սուրէն
Օգսէն
Աշխէն
–գէն (կէն)-ով վերջացող՝
Բաբգէն
Գուրգէն
Վազգէն
Վիգէն
-էլ-ով վերջացող՝
Աբէլ
Գաբրիէլ
Գնէլ
Դանիէլ
Մանուէլ
Միքայէլ
Իսրայէլ
Ռաֆայէլ
Անժէլ
Զաբէլ
-էս-ով վերջացող՝
Արիստակէս
Արտաշէս
Մովսէս
Յովհաննէս
Ներսէս
Վրթանէս
-էոս-ով ՝
Թադէոս
Մատթէոս
ինչպէս նաև՝
Անդրէաս
Նազարէթ
Յովսէփ:
Այս անուններից կազմուած ազգանունների մէջ է-ն կարող է փոխուել ի-ի, կարող է պահպանուել, ինչպէս՝
Շահինեան
Մովսիսեան
Ներսիսեան
բայց և՝
Արմէնեան
Սուրէնեան
Իսրայէլեան
Դանիէլեան
Նազարէթեան:
Կան նոյն ազգանունների զուգահեռ գրութիւններ՝
Կարինեան – Կարէնեան
Անդրիասեան – Անդրէասեան
Ներսիսեան – Ներսէսեան:
Է-ով են գրւում մի շարք տեղանուններ՝
Աթէնք
Մարսէլ
Զէյթուն
Եմէն և այլն:
Ընդհանրապէս յատուկ անունների մէջ վերջին վանկում է լսուելիս գրւում է է՝ Կարէն, Բաբգէն,
բացառութիւն են
պետ վերջոյթ ունեցող անունները՝
Հայրապետ
Կարապետ, ինչպէս նաև՝
Բարսեղ
Փառանձեմ և մի քանի այլ անուններ:
Շարունակելի
Ռաֆայէլ Իշխանեան, 1991թ.