«Հ. Քաջազնունին և Հ. Յ. Դաշնակցությունը» գիրքը սպասում է տպագրության հովանավորի

Հարգելի գրասեր բարեկամ,

Հայկական ուսումնասիրությունների ԱՆԻ կենտրոնը վերահրատարակության է պատրաստել երևելի դաշնակցական, Վրաստանում Հայաստանի դեսպան, խորհրդարանի անդամ և նախարար ԱՐՇԱԿ ՋԱՄԱԼՅԱՆԻ “Հ. Քաջազնունին և Հ. Յ. Դաշնակցությունը” (արևելահայերեն, աբեղյանական ուղղագրություն) գրքույկը:

Հինգ մասերից կազմված հոդվածաշարը տպագրվել է Բոստոնի ՀԱՅՐԵՆԻՔ ամսագրի 1924 թվականի համարներում (հունվար, Բ տարի, թիվ 3, էջ 48-60, փետրվար, Բ տարի, թիվ 4, էջ 117-130, մարտ, Բ տարի, թիվ 5, էջ 120-132, հունիս, Բ տարի, թիվ 8, էջ 65-82, հուլիս, Բ տարի, թիվ 9, էջ 70-79), սակայն առանձին գրքով երբեք չի հրատարակվել:

Ջամալյանի այս գրքույկը տեղ կգտնի նաև Հայաստանի Հանրապետության հինգ նշանավոր պետական գործիչների համատեղ հատորում  (Քաջազնունի. «Հ. Յ. Դաշնակցությունը անելիք չունի այլևս»(արևելահայերեն, աբեղյանական ուղղագրություն), Սիմոն Վրացյան, «Խարխափումներ» (արևելահայերեն, աբեղյանական ուղղագրություն),  Ռուբէն Դարբինեան, «Մեր Պատասխանը Յովհաննէս Քաջազնունիի» (արևմտահայերեն, մեսրոպյան ուղղագրություն) Վահան Նավասարդյանի «Հ. Յ. Դաշնակցության անելիքը» (արևելահայերեն, աբեղյանական ուղղագրություն)):

Ինչպես համատեղ հատորի, այնպես էլ առանձին լույս տեսնելիք գրքույկների խմբագիրը լրագրող Թաթուլ Հակոբյանն է:

Նախատեսվում է, որ փետրվարի 1-ին՝ Քաջազնունու ծննդյան օրը, Երևանում տեղի կունենա համատեղ հատորի և հինգ առանձին գրքույկների շնորհանդես-վաճառքը:

Այն անհատները կամ կազմակերպությունները, որոնք կցանկանան ֆինանսապես աջակցել միացյալ հատորի կամ հինգ գրքերից որևէ մեկի տպագրական ծախսերին, կարող են գրել հետևյալ հասցեներով՝ aniarcf@gmail.com, info@aniarc.am:

Դուք կարող եք միացյալ հատորը կամ առանձին գրքույկները կամ դրանցից Ձեր ցանկացածը նվիրել Ձեզ համար նվիրական մարդու հիշատակին: Այդ մասին պատշաճ կերպով կգրվի գրքի սկզբնահատվում:

Հայկական ուսումնասիրությունների ԱՆԻ կենտրոն