Սեխի հայրենիքը համարվում է Կենտրոնական և Փոքր Ասիան, սակայն լավագույն օղին ստացվում է Հայաստանում, մասնավորապես՝ Տավուշի մարզում:
Թեև սեխը հիմնականում օգտագործվում է թարմ վիճակում, մասամբ նաև՝ մուրաբաների ու չրերի տեսքով, սակայն նրանից ստացվող օղին մրգային օղիների մեջ ամենափափուկ խմվողներից է:
Հայաստանում այն մեծ տարածում դեռ չունի:
Սեխի օղին յուրահատուկ համ ու բույր ունի:
Սեխը շատ հարուստ է A վիտամինով, իսկ A-ն հզոր հակաքաղցկեղային վիտամին է:
Ինչպես ստանալ լավագույն սեխի օղին
Եթե ուզում եք ստանալ որակյալ սեխի օղի, ապա պետք է սեխը լավ հասունանա, քաղելուց հետո մի քանի օր մնա արևի տակ՝ մինչև սկսի ամբողջական դեղնանալը և փափկելը:
Դրանից հետո պետք է այն լցնել տակառի մեջ և ջարդելով ճզմել:
Սեխի եփելու շրջանը տևում է մի քանի շաբաթ: Պետք է անընդհատ խառնել և ուշադիր լինել, որ չափից շատ չեփվի, քանի որ այդ դեպքում օղուց կարող է հոտ կպնել:
Քանի կիլոգրամ բերքից է ստացվում 1 լիտր սեխի օղի
Մոտավորապես 30-40 կիլոգրամ սեխից, նայած թե ինչ քաղցրություն ունի այդ տարվա բերքը և ինչ տեսակի է, ստացվում է 55 աստիճան թնդության 1 լիտր մաքուր օղի:
Առնվազն երկու, նաև՝ երեք թորում
Գյուղական, ավանդական պայմաններում, սեխը, ինչպես մյուս մրգային օղիները, երկու քաշով (թորում) են իրականացնում:
Առաջին քաշի ժամանակ կորզում են, այսպես կոչված՝ պղտոր սպիրտը, որը Տավուշի գյուղերում հայտնի է ջուր անունով: Ապա հավաքած ջուրը, որի մեջ սպիրտի պարունակությունը մոտ 30-40 աստիճան միջին թնդություն ունի, երկրորդ անգամ են թորում, որպեսզի ստացվի 55 և ավելի բարձր թնդության օղի:
Խորհուրդ է տրվում երկրորդ թորման ժամանակ վերցնել 60 տոկոսից բարձր թնդության սպիրտ և այն բացել թորած ջրով:
Երկրորդ քաշից հետո մնացած ջուրը՝ պղտոր սպիրտը, արժե հավաքել և դրանից երրորդ անգամ թորել:
Հ. Գ. Եթե ուզում եք ստանալ վայրի խնձորի մաքուր օղի, գրեք մեզ ֆեյսբուքով կամ զանգահարեք 098 65 53 21 համարով: Օղին կարող եք ստանալ ձեր տան բակում: Մեկ լիտրն արժե 8.000 դրամ:
Մեր մոտ վաճառքում ունենք նաև՝
վայրի խնձոր – 1 լիտրը՝ 11.000 դրամ
մամուխ – 1 լիտրը՝ 10.000 դրամ
վայրի տանձ – 1 լիտրը՝ 9.000 դրամ
հոն – 1 լիտրը՝ 9.000 դրամ
սեխ – 1 լիտրը՝ 8.000 դրամ
վայրի շլոր – 1 լիտրը՝ 7.000 դրամ
թութ – 1 լիտրը՝ 6.000 դրամ
ծիրան – 1 լիտրը՝ 6.000 դրամ
դեղձ – 1 լիտրը՝ 5.000 դրամ
կարալյոկ – 1 լիտրը՝ 4.000 դրամ
խնձոր – 1 լիտրը՝ 4.000 դրամ
խաղող – 1 լիտրը՝ 4.000 դրամ
