Լեռնամերձ գյուղը գտնվում է Արմավիրի մարզի Էջմիածնի տարածաշրջանում, ծովի մակերևույթից գրեթե 1000 մետր բարձրության վրա: Սահմանակից է Ամբերդ, Արագածոտնի մարզի Աշտարակի շրջանի Օշական, Ոսեկվազ և Ոսկեհատ գյուղերին: Լեռնամերձը մաս է կազմում Խոյ բազմաբնակավայր համայնքի, որի կենտրոնը Գեղակերտ գյուղն է:
Լեռնամերձ գյուղի բնակչությունը, համաձայն Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)” աշխատության, եղել է՝
1831 թվական – 38 հոգի, բոլորը՝ իսլամ,
1873 թվական – 265 հոգի, բոլորը՝ թաթար,
1886 թվական – 252 հոգի, բոլորը՝ թաթար,
1897 թվական – 355 հոգի (համառուսական՝ ցարական մարդահամար), բոլորը՝ իսլամ,
1904 թվական – 353 հոգի,
1914 թվական – 361 հոգի (ըստ Կովկասյան օրացույցի),
1914 թվական – 373 հոգի (ըստ արխիվային տվյալների),
1916 թվական – 339 հոգի,
1919 թվական – չի վիճակագրվել,
1922 թվական – 97 հոգի, բոլորը՝ թրքո-թաթար,
1926 թվական – 57 հոգի (ԽՍՀՄ առաջին մարդահամար), որից 50-ը՝ հայ, 7-ը՝ եզդի,
1931 թվական – 212 հոգի, որից 92-ը՝ հայ, 120-ը՝ եզդի:
Խորհրդային մարդահամարի տվյալներով, Լեռնամերձը ունեցել է.
1939 թվական – 226 հոգի,
1959 թվական – 221 հոգի,
1979 թվական – 363 հոգի:
Լեռնամերձ գյուղը 2011թ ՀՀ մարդահամարի տվյալներով ունեցել է 384 հոգի բնակչություն:
Զավեն Կորկոտյանի ցուցակի համաձայն, Լեռնամերձը ունեցել է Այառլու անունը:
Խոյ բազմաբնակավայր համայնքը կազմավորվել է 2021 թվականի դեկտեմբերի 5-ին ՀՀ Արմավիրի մարզում կայացած ՏԻՄ ընտրությունների արդյունքում՝ «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում փոփոխություններ և լրացումներ կատարելու մասին» 2021 թվականի սեպտեմբերի 24-ի ՀՀ ՀՕ-328-Ն օրենքով։
Խոյ համայնքն ընգդրկում է հետևյալ բնակավայրերը՝
- Գեղակերտ գյուղ
- Աղավնատուն գյուղ
- Ամբերդ գյուղ
- Այգեշատ (Էջմիածնի շրջ.) գյուղ
- Արագած գյուղ
- Արշալույս գյուղ
- Դաշտ գյուղ
- Դողս գյուղ
- Լեռնամերձ գյուղ
- Ծաղկալանջ գյուղ
- Ծաղկունք գյուղ
- Ծիածան գյուղ
- Հայթաղ գյուղ
- Հովտամեջ գյուղ
- Մոնթեավան գյուղ
- Մրգաստան գյուղ
- Շահումյան գյուղ
