Աղավնատուն գյուղը գտնվում է Արմավիրի մարզի Էջմիածնի տարածաշրջանում, ծովի մակերևույթից ավելի քան 900 մետր բարձրության վրա: Սահմանակից է Ամբերդ, Դողս, Արագած գյուղերին: Աղավնատունը մաս է կազմում Խոյ բազմաբնակավայր համայնքի, որի կենտրոնը Գեղակերտ գյուղն է:
Աղավնատուն գյուղի բնակչությունը, համաձայն Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)” աշխատության, եղել է
1831 թվական – 186 հոգի, որից 165-ը՝ հայ, 21-ը՝ իսլամ,
1873 թվական – 471 հոգի, բոլորը՝ հայ,
1886 թվական – 635 հոգի, բոլորը՝ հայ,
1897 թվական – 821 հոգի (համառուսական՝ ցարական մարդահամար), բոլորը՝ հայ,
1904 թվական – 893 հոգի,
1914 թվական – 1036 հոգի (ըստ Կովկասյան օրացույցի),
1914 թվական – 947 հոգի (ըստ արխիվային տվյալների),
1916 թվական – 1007 հոգի,
1919 թվական – 1068 հոգի,
1922 թվական – 872 հոգի, բոլորը՝ հայ,
1926 թվական – 1024 հոգի (ԽՍՀՄ առաջին մարդահամար), բոլորը՝ հայ,
1931 թվական – 1100 հոգի, բոլորը՝ հայ:
Աղավնատուն գյուղը 2011թ ՀՀ մարդահամարի տվյալներով ունեցել է 2840 մշտական բնակիչ, առկա բնակչությունը եղել է 2667 հոգի:
Խոյ բազմաբնակավայր համայնքը կազմավորվել է 2021 թվականի դեկտեմբերի 5-ին ՀՀ Արմավիրի մարզում կայացած ՏԻՄ ընտրությունների արդյունքում՝ «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում փոփոխություններ և լրացումներ կատարելու մասին» 2021 թվականի սեպտեմբերի 24-ի ՀՀ ՀՕ-328-Ն օրենքով։
Խոյ համայնքն ընգդրկում է հետևյալ բնակավայրերը՝
- Գեղակերտ գյուղ
- Աղավնատուն գյուղ
- Ամբերդ գյուղ
- Այգեշատ (Էջմիածնի շրջ.) գյուղ
- Արագած գյուղ
- Արշալույս գյուղ
- Դաշտ գյուղ
- Դողս գյուղ
- Լեռնամերձ գյուղ
- Ծաղկալանջ գյուղ
- Ծաղկունք գյուղ
- Ծիածան գյուղ
- Հայթաղ գյուղ
- Հովտամեջ գյուղ
- Մոնթեավան գյուղ
- Մրգաստան գյուղ
- Շահումյան գյուղ
