Խոտը Սյունիքի մարզի Գորիսի շրջանի և Հայաստանի հնագույն գյուղերից է:
Այսօր մաս է կազմում խոշորացված Տաթև համայնքի:
Գյուղը գտնվում է ծովի մակերևույթից ավելի քան 1.350 մետր բարձրության, Գորիս քաղաքից 12, մարզկենտրոն Կապանից՝ 83 կմ հեռավորության վրա:
Ներկայիս Խոտ գյուղը հիմնվել է Հին Խոտ գյուղի տեղափոխումով։ Հին Խոտը գտնվում է ներկայիս գյուղի կողքին՝ առավել ցածրադիր վայրում, Որոտանի ձախ ափի խիստ զառիթափ լեռնալանջին՝ շրջապատված այգիներով և անմատչելի ժայռերով։
Խոտի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 173 հոգի, բոլորը՝ հայ,
1873 թվական – 739 հոգի, բոլորը՝ հայ,
1886 թվական – 909 հոգի, բոլորը՝ հայ,
1897 թվական – 938 (համառուսական՝ ցարական մարդահամար), բոլորը՝ հայ,
1922 թվական – 749 հոգի, բոլորը՝ հայ,
1926 թվական – 788 հոգի (ԽՍՀՄ առաջին մարդահամար), բոլորը՝ հայ,
1931 թվական – 811 հոգի, բոլորը՝ հայ:
Խորհրդային մարդահամարի տվյալներով Խոտն ունեցել է.
1939 թվական – 675 հոգի,
1959 թվական – 600 հոգի,
1970 թվական – 739 հոգի,
1979 թվական – 830 հոգի,
1989 թվական – 855 հոգի:
Այսօր, համաձայն Սյունիքի մարզպետարանի տվյալների, Խոտն ունի հաշվառված 890 բնակիչ:
Կարդալ նաև՝
