2050-ին Հայաստանի բնակչությունը կկազմի մոտ 2.7 միլիոն, 2100-ին՝ 1.85 միլիոն. ՄԱԿ-ի զեկույց

1956

Այսօր, օգոստոսի 5-ին, Ստեփանակերտում, Համահայկական 7-րդ խաղերի անցկացման կապակցությամբ Վերածննդի հրապարակում ունեցած ելույթում վարչապետ Նիկոլ Փաշինյանը հայտարարեց, որ «մինչև 2050 թվականը պետք է կարողանանք Հայաստանի բնակչությունը հասցնել առնվազն 5 միլիոն մարդու»:

Մինչդեռ ՄԱԿ-ը ներկայացրել է այլ կանխատեսումներ: 2050 թվականին Հայաստանի բնակչությունը կկազմի մոտ 2 միլիոն 700 հազար մարդ, ասվում էր ՄԱԿ-ի՝ 2017թ. հունիսի 21-ին հրապարակած զեկույցում։ 2100 թվականին Հայաստանի բնակչության թիվը կլինի 1մլն 849 հազար, վկայակոչելով ՄԱԿ-ի զեկույցը, հաղորդել է Ազատություն ռադիոկայանը:

Վրաստանի բնակչությունը այսօրվա 3,9 միլիոնից 2050 թվականին կհասնի 2,5 միլիոնի, Ռուսաստանինը՝ 144 միլիոնից՝ 124 միլիոնի: Ադրբեջանի բնակչությունը ևս կկրճատվի՝ 9,8 միլիոնից նվազելով 9,5 միլիոնի, Իրանի 81,1 մլն կազմող բնակչությունը նույն շրջանում կկազմի 72,4 միլոն: Թուրքիայի բնակչությունը կաճի՝ 76,5 միլիոնից 2050-ին դառնալով 85,7 միլիոն։

Խորհրդային Միության տարիներին անցկացված մարդահամարի տվյալներով՝ Հայաստանում  բնակչության թիվը կազմել է՝

1926                                                        881.300

1939                                                       1.282.300

1959                                                       1.763.000

1970                                                       2.491.900

1979                                                       3.037,300

1989                                                       3.304,800

2017թ. հունվարի 1-ի դրությամբ Հայաստանում մշտական բնակչության թվաքանակի ցուցանիշը ընթացիկ հաշվառմամբ (2011թ. մարդահամարի հիմքով վարվող) կազմել է 2 միլիոն 986 հազար 500 մարդ, այդ թվում քաղաքայինը`1.901.700, գյուղականը` 1.084.800:

1992-ից ի վեր Հայաստանում միայն երեք տարի՝ 2004, 2005 և 2006 թվականին է, որ երկրից միգրացիոն հոսքերը՝ ժամանածների և մեկնածների միջև տարբերությունը՝ միգրացիոն սալդոն, եղել է դրական: Թվերը, որ ներկայացվում են ստորև, վերցված են ՀՀ Ազգային վիճակագրական ծառայության և ՀՀ տարածքային կառավարման նախարարությանն առընթեր Միգրացիոն պետական ծառայության հրապարակումներից:

Թվական                            Միգրացիոն սալդո (+, -)            Երկրի նախագահը

1992                                             -228.600                              Լևոն Տեր-Պետրոսյան

1993                                             -141.100                              Լևոն Տեր-Պետրոսյան

1994                                             -127.800                              Լևոն Տեր-Պետրոսյան

1995                                              -37.500                               Լևոն Տեր-Պետրոսյան

1996                                              -20.500                               Լևոն Տեր-Պետրոսյան

1997                                              -31.300                               Լևոն Տեր-Պետրոսյան

1998                                              -24.400                                Ռոբերտ Քոչարյան

1999                                               -7.200                                 Ռոբերտ Քոչարյան

2000                                              -57.500                                Ռոբերտ Քոչարյան

2001                                              -60.400                                Ռոբերտ Քոչարյան

2002                                                -2.700                                Ռոբերտ Քոչարյան

2003                                               -10.200                               Ռոբերտ Քոչարյան

2004                                                +2.100                               Ռոբերտ Քոչարյան

2005                                               +12.500                              Ռոբերտ Քոչարյան

2006                                               +21.700                             Ռոբերտ Քոչարյան

2007                                                 -3.200                               Ռոբերտ Քոչարյան

2008                                                -23.059                               Սերժ Սարգսյան

2009                                                -24.978                               Սերժ Սարգսյան

2010                                                -46.486                               Սերժ Սարգսյան

2011                                                -43.820                               Սերժ Սարգսյան

2012                                                 -42.784                              Սերժ Սարգսյան

2013                                                 -41.800                              Սերժ Սարգսյան

2014                                                  -41.235                             Սերժ Սարգսյան

2015                                                  -43.438                             Սերժ Սարգսյան

2016                                                 – 48.200                             Սերժ Սարգսյան