Կուրիս գյուղը գտնվում է Մեղրի քաղաքից 15 կմ, մարզկենտրոն Կապանից՝ 85 կմ հեռավորության, ծովի մակերևույթից ավելի քան 1300 մետր բարձրության վրա, Մեղրի գետի աջ հատվածում, Զանգեզուրի լեռնաշղթայի լանջին:
Տաթևի վանքի նոր հարկացուցակում կոչվում էր Կռավաք կամ Կուրուս: Գյուղում պահպանվել է 15-17-րդ դդ թիթեղապատ ծածկով եկեղեցի: Գյուղից շրջակայքում կան գյուղատեղիների ավերակներ: Արևելյան կողմում կան սառնորակ աղբյուրներ, այդ թվում` Կուրիս հանքային աղբյուրը:
1831 թվական – 12 հոգի, բոլորը՝ հայ,
1873 թվական – 154 հոգի, բոլորը՝ հայ,
1886 թվական – 190 հոգի, բոլորը՝ հայ,
1897 թվական – 194 հոգի (համառուսական՝ ցարական մարդահամար), որից 189-ը՝ հայ, 5-ը՝ իսլամ,
1922 թվական – 240 հոգի, բոլորը՝ հայ,
1926 թվական – 281 հոգի (ԽՍՀՄ առաջին մարդահամար), որից 260-ը՝ հայ, 21-ը՝ պարսիկ,
1931 թվական – 287 հոգի, բոլորը՝ հայ:
1828թ Մեղրին ընդգրկված է եղել Ղարաբաղի նահանգի մեջ, իսկ 1868-ին կազմել է
Ելիզավետապոլի նահանգի Զանգեզուր գավառի մի մասը։ Մեղրին քաղաքի կարգավիճակ է ստացել 1984թ:
Խորհրդային Հայաստանի Մեղրիի շրջանը ձևավորվել է 1930թ սեպտեմբերի 9-ին: Հայկական ՍՍՀ վարչա-տերիտորիալ բաժանումը առ 1-ը մայիսի 1971 թ աշխատության մեջ նշված է, որ Մեղրու շրջանի տարածքը 664 քառակուսի կմ է, բնակավայրերի ընդհանուր թիվը 18 է, քաղաքատիպ ավանները՝ 2 (Ագարակ, Մեղրի), գյուղական խորհուրդները՝ 8: Ներկայացնում ենք այդ 8 գյուղական խորհուրդները.
Ալդարա,
Լեհվազ (Լեհվազ և Վահրավար),
Լիճք (Լիճք և Տաշտուն),
Կարճեվան,
Կուրիս (Կուրիս և Գուդեմնիս),
Նյուվադի,
Շվանիձոր (Շվանիձոր և Շվանիձորի երկաթգծային կայարանին կից ավան),
Վարդանիձոր (Վարդանիձոր, Մարալզամի, Այգեձոր (Փուշկագ)):
Կուրիսը, ինչպես և Մեղրիի նախկին շրջանի գյուղերը մաս են կազմում Մեղրի խոշորացված համայնքի:
Ըստ Հայաստանի Վիճակագրական կոմիտեի՝ 2020թ հունվարի 1-ի տվյալներով Մեղրու համայնքի բնակչությունը եղել է.
Մեղրի – 4.487 հոգի,
Ագարակ – 4.122 հոգի,
Լեհվազ – 556 հոգի,
Ալվանք – 255 հոգի,
Շվանիձոր – 241 հոգի,
Կարճեվան – 218 հոգի,
Վարդանիձոր – 156 հոգի,
Նռնաձոր – 128 հոգի,
Լիճք – 117 հոգի,
Տաշտուն – 103 հոգի,
Թխկուտ – 53 հոգի,
Գուդեմնիս – 35 հոգի,
Կուրիս – 34 հոգի,
Վահրավար – 30 հոգի,
Այգեձոր – 0 բնակչություն:
Լուսանկարում՝ տեսարան Մեղրիի լեռնաշխարհից
Լուսանկարը և տեքստը՝ Թաթուլ Հակոբյանի
Կարդալ և դիտել նաև՝
