ԽՈՐՀՐԴԱՅԻՆ ՀԱՆՐԱՊԵՏՈՒԹՅՈՒՆՆԵՐԻ ՄԻՈՒԹՅՈՒՆ ԲԱՆԱՁԵՎ
Հայաստանի բանվորների, գյուղացիների և կարմիր զինվորների պատգամավորական խորհուրդների երկրորդ համագումարը, լսելով ընկ. Մռավյանի զեկուցումը Խորհրդային Սոցիալիստական Հանրապետությունների Միության մասին, ջերմագին ողջունում է այդ առաջարկը, ընդունելով, որ հասունացել է ժամանակը այդ միությունն իրականացնելու համար և այդ թելադրվում է քաղաքական շինարարության հրամայական պահանջներով: Համագումարն ընդգծում է այն, որ Խորհրդային Հանրապետությունների Միությունը, համապատասխանում է բոլոր Խորհրդային Հանրապետությունների, մասնավորապես նաև Խորհրդային Հայաստանի բանվորության և գյուղացիության շահերին: Իբրև հիմք այդ միության, համագումարն ընդունում է հետևյալ նախագիծը:
«Կնքել պայմանագիր Ուկրաինայի, Բելոռուսիայի, Անդրկովկասյան Հանրապետությունների և Ռ. Ս. Ֆ. Հ. միջև՝ «Սոցիալիստական Խորհրդային Հանրապետությունների Միություն» կազմելու նպատակով, վերապահելով ամենքին միության կազմից ազատորեն դուրս գալու իրավունքը»:
Միության բարձրագույն մարմինը համարել դաշնակցային կենտգործկոմը, որ կազմում է Ռ. Ս. Ֆ. Խ. Հ., Անդրկովկասյան Ֆեդերացիայի, Ուկրաինայի և Բելոռուսիայի Կենտգործկոմների ներկայացուցիչներից՝ համապատասխան նրանց ներկայացնող ազգությունների քանակի: Միության Կենտգործկոմի գործադիր մարմին համարել դաշնակցային Ժողկոմխորհը, որ նշանակում է Դաշնակցային Կենտգործկոմի կողմից:
Արտգործժողկոմը, Արտառը, Ռազմժողկոմը, Հաղորդակցության Ժողկոմը և Պոստահեռժողկոմը այդ ֆեդերացիաների և հանրապետությունների, որոնք մտնում են Միության կազմի մեջ ձուլել սոցիալիստական հանրապետությունների միության համանուն ժողկոմատների հետ, այնպես սակայն, որ Հանրապետությունների և Ֆեդերացիաների մեջ ունենան իրենց լիազորներին ոչ ծավալուն ապարատով, որոնք նշանակվելու են Միության Ժողկոմների կողմից, համաձայնության գալով ֆեդերացիաների և հանրապետությունների Կենտգործկոմների հետ: Անհրաժեշտ համարել շահագրգռված հանրապետությունների ներկայացուցիչների մասնակցությունը Արտգործկոմատի արտասահմանյան ներկայացուցիչների կազմում»:
«Հանրապետությունների և Ֆեդերացիաների՝ ֆինանսների, պարենավորման, ժողովրդական տնտեսության, աշխատանքի և տեսչության ժողկոմատները, ինչպես և հակահեղափոխոխության դեմ պայքարող կենտրոնական մարմինները յենթարկել համապատասխան ժողկոմատների հրահանգներին և հանրապետությունների միության աշխատանքի և պաշտպանության խորհրդի ժողկոմխորհին»:
«Մյուս ժողկոմատները, ինչպես որինակ, արդարադատության, լուսավորչության, ներքին գործերի, հողագործության, առողջապահության և սոցիալական ապահովության համարվում են անկախ և ինքնուրույն»:
Խորհրդային Հայաստան, թիվ 276, 12 Դեկտեմբեր, 1922թ
—-
ԱՋԱԿՑԵ՛Ք ԱՆԻ կենտրոնի աշխատանքներին՝ նպատակ տողում գրելով ՆՎԻՐԱՏՎՈՒԹՅՈՒՆ բառը
ԱՆԻ կենտրոնի հաշվեհամարներն են՝ ԻՆԵԿՈԲԱՆԿ
2050822110581001 – Հայկական դրամ
2050822110581020 – Դոլարային հաշիվ
2050822110581040 – Հաշիվ եվրոյով
2050822110581041 – Հաշիվ ռուսական ռուբլով
Դիտել նաև՝
