Սեպտեմբերի 21-ին՝ Հայաստանի անկախության հերթական օրը, Երևանի փոքր կենտրոնում, օրը ցերեկով դաժան ծեծի ենթարկվեց ազատամարտիկ Սմբատ Հակոբյանը:
Հակոբյանը անկախության շրջանի Հայաստանի ամենից սկզբունքային գործիչներից է: Նա եղել է Ղարաբաղ կոմիտեի գաղտնի հինգ անդամներից մեկը:
1991-ի օգոստոսի 27-ին կայացած ՀՀՇ արտահերթ համագումարում նա 614 պատվիրակներից միակն էր, ով ՙդեմ՚ քվեարկեց Հայաստանի նախագահի պաշտոնում Լևոն Տեր-Պետրոսյանի թեկնածության առաջադրմանը:
Հենց այդ համագումարում էլ Սմբատ Հակոբյանը ևս յոթ ՀՀՇ-ականների, այդ թվում Տիգրան Սարգսյանի (նախկին վարչապետ և ԱՄՆ-ում Հայաստանի դեսպան) հետ, հեռացավ ՀՀՇ-ից:
Նախագահական ընտրությունները կայացան 1991-ի հոկտեմբերի 16-ին: Հայաստանի պատմության մեջ դրանք առաջին և վերջին նախագահական ընտրություններն էին, որոնք կեղծելու կարիք չկար: Տեր-Պետրոսյանը հաղթեց քվեների ավելի քան 83 տոկոսով:
