Երևանի Ամիրյան փողոցը ցարական շրջանում կրել է Նազարովսկայա անունը:
Հայաստանի Հանրապետության հիմնադրումից հետո՝ 1918-1921 թթ այն դարձել է Քրիստափորի փողոց՝ ՀՅԴ հիմնադիրներից Քրիստափոր Միքայելյանի անունով:
Խորհրդային շրջանում վերանվանվել է ի պատիվ հայ հեղափոխական, լրագրող, հրապարակախոս, Բաքվի 26 կոմիսարներից մեկի՝ Արսեն Ամիրյանի:
1990-ական թթ փողոցը մի քանի տարի կոչվել է Հայոց Վռամշապուհ արքայի անունով, այնուհետև կրկին ստացել է Ամիրյան անունը:
Լուսանկարը՝ Մայքլ Բաբայանի արխիվից
