ԱՄՆ-ում Հայաստանի Հանրապետության (1918-1920/21) դեսպանության առաջին շենքը մայրաքաղաք Վաշինգտոնում, որտեղ ապրել և աշխատել է Հայաստանի առաջին դեսպան Գարեգին Փաստրմաջյանը (Արմեն Գարո)։ Այն գտնվել է 2034 20th St NW, Washington, DC 20009 հասցեում։
Գարեգին Փաստրմաջյանը եղել է Օսմանյան կայսրության մեջլիսի ՀՅԴ խմբակցության պատգամավոր (1908-1912 թթ.):
1911 թ.-ին ՀՅԴ-ի կոալիցիոն տեղով նշանակվել է հեռահաղորդակցության (Welfare construction) նախարար՝ Թալեաթ փաշայի առաջարկությամբ և աշխատել մինչև 1912 թ. պետական հեղաշրջումը։ Արդեն 1913 թ.-ին կրկին նշանակվել է առևտրի և հանրային աշխատանքներ նախարար՝ երիտթուրքերի իշխանության օրոք, և աշխատել մինչև 1914 թվականը:
Հայաստանի Հանրապետության երկրորդ գումարման խորհրդարանի ՀՅԴ խմբակցության պատգամավոր (1919-1920 թթ.), ԱՄՆ-ում ՀՀ առաջին դեսպան (1918-1920 թթ.):
Արմեն Գարոն 1896 թ. օգոստոսի 14-ին (նոր տոմարով՝ օգոստոսի 26-ին) Օսմանյան բանկի գրավման գլխավոր կազմակերպիչներից ու մասնակիցներից էր։
1918 թ.-ին Բոստոնում նա հրատարակել է «Why Armenia should be free: Armenia’s role in the present war» անգլերեն գիրքը:
Շահան Նաթալիի հետ կազմակերպել է «Նեմեսիս» գործողությունը, որի արդյունքում ոչնչացվեցին Հայոց ցեղասպանության կազմակերպիչ երիտթուրք դահիճները։
Գարեգին Փաստրմաջյանը վախճանվել է 1923 թ. մարտի 23-ին Ժնևում և հուղարկավորվել Թագավորների գերեզմանատանը (Cimetière des Rois, Cimetière de Plainpalais):
Լուսանկարները և տեքստը՝ Մայքլ Բաբայանի Ֆեյսբուքի էջից
