Լրագրող, Հայկական ուսումնասիրությունների ԱՆԻ կենտրոնի համակարգող և Ալիք Մեդիայի սյունակագիր Թաթուլ Հակոբյանը 2023թ փետրվարի 1-ի երեկոյան հանդիպում-քննարկում է ունեցել ԱՄՆ Կալիֆոռնիա նահանգի Օրինջ քաունթիի (շրջանի) Լագունա Հիլզ քաղաքի հայության հետ:
«Հայաստան/Արցախ՝ ինչ անել և ինչ է սպասվում» թեմայով զրույց-քննարկման ավարտին տեղի է ունեցել Հակոբյանի և ԱՆԻ կենտրոնի հրատարակած հատորների ներկայացնում և հյուրասիրություն:
Լագունա Հիլզը Հակոբյանի կանգառներից առաջինն էր: Փետրվարի 3-ից 5-ը նա երեք հանդիպում-քննարկումներ կունենա Կալիֆոռնիայի Սան Ֆրանցիսկո քաղաքում:
Հայկական ուսումնասիրությունների ԱՆԻ կենտրոն
2 փետրվարի, 2023թ, Լագունա Հիլզ, Կալիֆոռնիա, ԱՄՆ
