Փոռ (Բոռ), Զեդեա (Զեյթա), Արին (Դայլախլու) և Ազատեկ գյուղերը մաս են կազմում խոշորացված Վայք համայնքի, որը կազմավորվել է Հայաստանի Հանրապետության վարչատարածքային բաժանման մասին ՀՀ օրենքում 2016 թվականի հունիսի 17-ին կատարված փոփոխության արդյունքում:
Փոռ գյուղը գտնվում է Վայոց Ձորի մարզի Վայքի (նախկինում՝ Ազիզբեկով, Փաշալու) շրջանում՝ մարզկենտրոն Եղեգնաձորից 24 կմ հարավ-արևելք, Վայք քաղաքից 8 կմ հեռավորության, ծովի մակերևույթից ավելի քան 1600 մետր բարձրության վրա։
Փոռ գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 18 հոգի, բոլորը՝ իսլամ
1873 թվական – 396 հոգի, բոլորը՝ հայ
1886 թվական – 493 հոգի, բոլորը՝ հայ
1897 թվական – 439 հոգի (համառուսական՝ ցարական մարդահամար), որից 418-ը՝ հայ, 18-ը՝ իսլամ, 3-ը՝ պրավոսլավ
1904 թվական – 419 հոգի
1914 թվական – 419 հոգի, ըստ Կովկասյան օրացույցի
1914 թվական – 460 հոգի, ըստ արխիվային տվյալների
1916 թվական – 261 հոգի
1919 թվական – 145 հոգի
1922 թվական – 280 հոգի, բոլորը՝ հայ
1926 թվական – 660 հոգի (ԽՍՀՄ առաջին մարդահամար), որից 657-ը՝ հայ, 3-ը՝ թուրք
1931 թվական – 296 հոգի, բոլորը՝ հայ:
Զեդեան մինչև 1988 թվականը անվանվել է Զեյթա: Գտնվում է Վայոց ձորի մարզի հյուսիս արևելյան մասում։ Սահմանակից է մարզի Ագարակաձոր, Վայք, Մալիշկա ու Ազատեկ համայնքներին։ Գյուղի տարածքով անցնում է Արփա գետը։ Գյուղը 1988 թվականի նոյեմբեր ամսից վերաբնակեցվել է Նախիջևանի շրջանի
Ազնաբերդ գյուղից արտագաղթած հայերով։ Գյուղը գտնվում է մարզկենտրոնից 20 կմ
հյուսիս արևելք։ Այն փռված է Վարդաբլուր և Հարսնասար լեռների ստորոտում` ծովի
մակերևույթից 1500-1600 մետր բարձրության վրա։
Զեդեա (այլ անուններով՝ Զեյթա, Չոփմա, Չոմախ) գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 67 հոգի, բոլորը՝ իսլամ
1873 թվական – 224 հոգի, բոլորը՝ թաթար
1886 թվական – 261 հոգի, բոլորը՝ թաթար
1897 թվական – 324 հոգի (համառուսական՝ ցարական մարդահամար), բոլորը՝ իսլամ
1904 թվական – 580 հոգի
1914 թվական – 580 հոգի, ըստ Կովկասյան օրացույցի
1914 թվական – 638 հոգի, ըստ արխիվային տվյալների
1916 թվական – 403 հոգի
1919 թվական – տվյալներ չկան
1922 թվական – 34 հոգի, բոլորը՝ թրքո-թաթար
1926 թվական – 148 հոգի (ԽՍՀՄ առաջին մարդահամար), որից 1-ը՝ հայ, 147-ը՝ թուրք
1931 թվական – 228 հոգի, բոլորը՝ թուրքական խումբ:
Արին (մինչև 1978թ.՝ Դայլախլու) համայնքը գտնվում է Վայոց ձորի մարզի վարչական տարածքում, մարզկենտրոնից 25 կմ դեպի հարավ-արևելք, ծովի մակերևույթից 1450 մ բարձրության վրա: Համայնքը հյուսիս արևելքից սահմանակից է Հերհեր, հյուսիս արևմուտքից` Մալիշկա, հարավից` Ազատեկ գյուղերի հանդամասերին:
Գյուղը մինչև 1978 թվականը կոչվել է Դայլախլու:
Արին (Դայլախլու) գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – տվյալներ չկան
1873 թվական – 87 հոգի, բոլորը՝ թաթար
1886 թվական – 184 հոգի, բոլորը՝ թաթար
1897 թվական – 126 հոգի (համառուսական՝ ցարական մարդահամար), որից 60-ը՝ հայ, 66-ը՝ իսլամ
1904 թվական – 218 հոգի
1914 թվական – 218 հոգի, ըստ Կովկասյան օրացույցի
1914 թվական – 240 հոգի, ըստ արխիվային տվյալների
1916 թվական – 209 հոգի
1919 թվական – տվյալներ չկան
1922 թվական – 95 հոգի, բոլորը՝ հայ
1926 թվական – 143 հոգի (ԽՍՀՄ առաջին մարդահամար), որից 124-ը՝ հայ, 6-ը՝ թուրք, 13-ը՝ քյուրդ
1931 թվական – 169 հոգի, բոլորը՝ հայ:
Լուսանկարում՝ Զեդեա գյուղը Վարդաբլուր լեռան լանջից
Պատրաստեց Թաթուլ Հակոբյանը
Կարդալ և դիտել նաև՝
