Բրազիլիայի ՀՅԴ Հայ դատի գրասենյակը (Armenian National Committee of Brazil) հուսով է, որ երկրի Սենատը առաջիկայում կքվեարկի Հայոց ցեղասպանությունը ճանաչող բանաձևի օգտին։
Այս մասին, համաձայն Prensa Armenia կայքի, ասել է Հայ դատի գրասենյակի ներկայացուցիչ James Onnig Tamdjian-ը։ Նա ընդգծել է, որ սենատորները մեծ աջակցություն են ցուցաբերում Հայոց ցեղասպանությունը ճանաչող բանաձևի առաջարկությանը, որը մի քանի օր առաջ բերվել է երկրի խորհրդարան։
Բանաձևի նախագծում հիշեցվում է, որ մի շարք երկրներ, այդ թվում Արգենտինան, Բոլիվիան, Չիլին, Ուրուգվայը և Վենեսուելան Լատինական Ամերկայում, ինչպես նաև եվրոպական երկրներ, բոլորովին վերջերս՝ Գերմանիան և Հռոմի պապը, ճանաչել են Հայոց ցեղասպանությունը։
“Բրազիլիայի կառավարությունը, ցավոք, դեռևս չի ճանաչել Հայոց ցեղասպանությունը”,- ասվում է բանաձևի նախագծում։
Այս հոդվածի անգլերենը ամբողջությամբ կարդալ այստեղ՝ https://www.aniarc.am/2015/05/31/draft-resolution-on-armenian-genocide-introduced-in-brazilian-senate/
Լուսանկարում՝ James Onnig Tamdjian-ը
Հ. Գ. Գերմանիան՝ խորհրդարանի կամ կառավարության մակարդակով, պաշտոնապես չի ճանաչել Հայոց ցեղասպանությունը, ինչպես ասվում է Բրազիլիայի Սենատ ներկայացված բանաձևի նախագծում, թեև Գերմանիայի նախագահը վերջերս օգտագործեց Հայոց ցեղապանություն եզրը։
