Ծնունդով Ախալքալաքից Սյունիքի նահանգապետ Արսեն Պողոսի Շահմազյան՝ Ներսիսյան դպրոցի նկարչության ուսուցիչ, որ կապիտանի զինվորական կոչում ունենալով առաջին վարչապետ Հովհաննես Քաջազնունու հեռատեսությամբ դարձավ Հայաստանի Հանրապետության առանցքային տարածաշրջանի ղեկավարը 1919 թ.-ին (1920 թ.-ին նա արդեն գնդապետ էր և նշանակվել էր հաղորդակցության փոխնախարար), իսկ դրանից առաջ՝ 1918 թ.-ին որպես խորհրդարանի պատգամավոր էր հանդես գալիս անկախ Հայաստանի բարձրագույն օրենսդիր մարմնում։
Բոլշևիկների կողմից հալածվեց ու ձերբակալվեց, քանի որ նաև ՀՅԴ Բյուրոյի անդամ էր եղել, ապա՝ աքսորվեց Սիբիր և անհետացավ սիբիրյան դաժան բնության խորքում։
Ի դեպ, այս լուսանկարը հրապարակվում է առաջին անգամ, Հայաստանում նրա անհատական ֆոտոն գոյություն չուներ՝ որևէ տեղ չկար։
Սա նրա բանտային քարտից է, որը պահվում է Վրաստանի ազգային և Ռուսաստանի Դաշնության պետական արխիվներում, քանի որ ՀՅԴ մեծ դատավարության շրջանակում նա ևս եղել է ցարական քաղբանտարկյալ։
Մայքլ Բաբայան
