Կոտայքի մարզի Աբովյանի տարածաշրջանի Բալահովիտ գյուղն այսօր, ըստ մարզպետարանի տվյալների, ունի շուրջ 3600 բնակիչ՝ հայեր, եզդիներ, քրդեր և ռուսներ:
Բալահովիտը կազմավորվել 1828-1829 թթ, գյուղի այսօրվա բնակիչների նախնիները հիմնականում եկել են Խոյից եւ Սալմաստից, մի մասն էլ՝ Բուլանըխից: Նախկինում կրել է Մոգուբ, Մեդգյուբ, Մհուբ անունը: Բալահովիտ անունը ստացել է 1968 թվականի դեկտեմբերի 26-ին:
Գյուղը սահմանակից է Պտղնի, Աբովյան, Մայակովսկի, Առինջ, Գետարգել համայնքներին, գտնվում է Երևանից 15 կմ հեռու:
Բալահովիտի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 50 հոգի, բոլորը՝ հայ
1873 թվական – Պտղնի գյուղի մաս է կազմել
1886 թվական – 89 հոգի, բոլորը՝ հայ
1897 թվական – 133 հոգի (համառուսական՝ ցարական մարդահամար), բոլորը՝ հայ
1904 թվական – 98 հոգի
1914 թվական – 284 հոգի, ըստ Կովկասյան օրացույցի
1914 թվական – 107 հոգի, ըստ արխիվային տվյալների
1916 թվական – 215 հոգի
1919 թվական – 278 հոգի
1922 թվական – 251 հոգի, բոլորը՝ հայ
1926 թվական – 296 հոգի (ԽՍՀՄ առաջին մարդահամար), բոլորը՝ հայ
1931 թվական – 304 հոգի, որից 297-ը՝ հայ, 7-ը՝ այլք:
Դիտել և կարդալ նաև՝
