Շուշիի գավառը եղել է Ելիզավետպոլի նահանգի 8 գավառներից մեկը:
Ելիզավետպոլի նահանգի մյուս գավառներն էին՝ Ելիզավետպոլ, Նուխի, Արեշ, Ջևանշիր, Զանգեզուր, Ղազախ և Ջեբրայիլ:
Շուշիի գավառի տարածքը կազմել է 4.315,6 քառակուսի վերստ կամ 4.911 քառակուսի կիլոմետր, ընդհանուր բնակչությունը՝ 138.771 հոգի:
1897 թվականի ցարական առաջին և վերջին մարդահամարի տվյալներով՝ Շուշիի գավառում բնակչության պատկերն ըստ ազգությունների եղել է հետևյալը.
| հայեր | 73.953 հոգի | 53.3 տոկոս |
| թաթարներ | 62.868 հոգի | 45.3 տոկոս |
| վելիկոռուսներ | 1.442 հոգի | 1.0 տոկոս |
| այլք | 508 հոգի | 0.4 տոկոս |
Գավառի կենտրոն Շուշի քաղաքում բնակչության թիվը կազմել է 25.881 հոգի՝
| հայեր | 14.420 հոգի | 55.7 տոկոս |
| թաթարներ | 10.778 հոգի | 41.6 տոկոս |
| վելիկոռուսներ | 359 հոգի | 1.4 տոկոս |
| այլք | 324 հոգի | 1.3 տոկոս |
Ելիզավետպոլի նահանգի ութ գավառներից միակը, որտեղ հայերը կազմել են մեծամասնություն, Շուշիի գավառն էր:
Պատրաստեց Թաթուլ Հակոբյանը
ԱՆԻ կենտրոն
