Կաթողիկոսական աթոռից հրաժարական տված առաջին Ամենայն Հայոց Հայրապետը եղել է Քրիստափոր Բ Ապահունին (628–630) կամ Ապահունեցին:
Կաթողիկոսական գահին նա հաջորդել է Կոմիտաս Ա Աղցեցուն (615-628):
Կաթողիկոս է ընտրվել Հայոց իշխան Թեոդորոս Ռշտունու առաջարկությամբ:
Սեբեոս պատմիչը նրան անվանել է «այր հպարտ եւ ամբարտավան, որոյ լեզու իւր էր իբրև զսուր սուսեր»:
Կաթողիկոս ընտրվելուց երկու տարի անց ընդհարվել է Հայաստանի մարզպան Վարազտիրոց Բագրատունու հետ: Ընդհարման պատճառ է հանդիսացել մարզպանի քաղաքական նոր ուղեգիծը` շեշտված կողմնորոշումը դեպի Բյուզանդիա, որին ընդդիմացել է Քրիստափոր Բ Ապահունին:
Վարազտիրոցը չի հանդուրժել կաթողիկոսի ինքնուրույն դիրքորոշումը և անհնազանդությունը: Մարզպանը 630 թվականին Դվինում հրավիրել է բարձրաստիճան հոգևորականների և նշանավոր իշխանների ներկայացուցչական ժողով, որտեղ Քրիստափոր Բ Ապահունու դեմ ներկայացվել են մեղադրանքներ: Այդ ճնշումների տակ Ամենայն Հայոց կաթողիկոսը հրաժարական է տվել:
Գահընկեցությունից հետո Քրիստափոր Բ Ապահունին առանձնացել է Մասյացոտնում` իր կառուցած Ուղեաց ճգնարան-մենաստանում և կյանքի մնացած տարիներն անցկացրել այստեղ որպես անապատական:
Կաթողիկոսական գահին Քրիստափոր Բ Ապահունուն հաջորդել է Եզր Ա Փառաժնակերտցին (630-641):
Ուշագրավ է, որ Քրիստափոր Բ Ապահունուն հաջորդած թվով վեց Ամենայն Հայոց կաթողիկոսներ հարել են քաղկեդոնեականությանը՝
Եզր Ա Փառաժնակերտցի (630-641)
Ներսես Գ Տայեցի (Շինարար) (641-661)
Անաստաս Ա Ակոռեցի (661-667)
Իսրայել Ա Ոթմսեցի (667-677)
Սահակ Գ Ձորոփորեցի (677-703)
Եղիա Ա Արճիշեցի (703-717):
—-
ԱՋԱԿՑԵ՛Ք ԱՆԻ կենտրոնին՝ նպատակ տողում գրելով ՆՎԻՐԱՏՎՈՒԹՅՈՒՆ բառը
ԱՆԻ կենտրոնի հաշվեհամարներն են՝ ԻՆԵԿՈԲԱՆԿ
2050822110581001 – Հայկական դրամ
2050822110581020 – Դոլարային հաշիվ
2050822110581040 – Հաշիվ եվրոյով
2050822110581041 – Հաշիվ ռուսական ռուբլով
