Լրագրող, Հայկական ուսումնասիրությունների ԱՆԻ կենտրոնի փորձագետ Թաթուլ Հակոբյանը 2025 թվականի դեկտեմբերին Մ. Նահանգների երկու տասնյակ քաղաքներում և նահանգներում տեղի հայության համար զրույց-քննարկում-դասախոսությունների շարք կունենա «Հայաստան-2025. բարդ ընտրություն» թեմայով՝ ի աջակցություն ԱՆԻ կենտրոնի գործունեության:
Նախատեսվում է, որ Հակոբյանը ելույթներ կունենա հետևյալ նահանգներում և քաղաքներում.
Լոս Անջելես, Կալիֆոռնիա
Ֆրեզնո, Կալիֆոռնիա
Սակրամենտո, Կալիֆոռնիա
Սան Ֆրանցիսկո, Կալիֆոռնիա
Պորտլենդ, Օրեգոն
Սիեթլ, Վաշինգթոն
Մինեապոլիս, Մինեսոտա
Միլուոկի, Վիսկոնսին
Չիկագո, Իլինոյիս
Դեթրոյթ, Միչիգան
Քլիվլենդ/Կոլամբուս, Օհայո
Բաֆալո/Ռոչեսթեր, Նյու Յորք
Բոսթոն, Մասաչուսեթս
Փրովիդենս, Ռոդ Այլենդ
Նյու Յորք Սիթի
Ֆիլադելֆիա, Փենսիլվանիա
Նյու Ջերսի նահանգ
Վաշինգթոն, DC
Ռիչմոնդ, Վիրջինիա
Շառլոթ, Հյուսիսային Կառոլինա
Ատլանտա, Ջորջիա
Ֆենիքս, Արիզոնա:
Առաջիկայում առավել հստակ կներկայացնենք հանդիպումների վայրերը, օրերը, ժամերը և կազմակերպիչների անունները:
Հանդիպում-քննարկումների ընթացքում Հակոբյանը կանդրադառնա Հայաստանի ներքաղաքական իրավիճակին, Հայաստան-Ադրբեջան, Հայաստան-Ռուսաստան և Հայաստան-Թուրքիա հարաբերություններին, Պետություն-Եկեղեցի, Հայաստան-Սփյուռք գործակցության հեռանկարներին:
Ձեռնարկների ավարտին Հակոբյանը կներկայացնի իր նոր հատորը, որ գրել է Փոլ Շահինյանի հետ՝ «Հերոսների ճամփորդությունը» գիրքը հայերեն և անգլերեն (The Journeys of Heroes):
Հանդիպում-քննարկումների ավարտին հնարավորություն կլինի նաև ձեռք բերել Հակոբյանի հեղնակած մյուս հատորները հայերեն և անգլերեն:
Ամբողջ հասույթը կուղղվի ԱՆԻ կենտրոնի գործունեությանը:
Թաթուլ Հակոբյանն ավարտել է Երևանի պետական համալսարանի Ժուռնալիստիկայի ֆակուլտետն ու Վրաստանի հանրային կապերի ինստիտուտը (Թբիլիսի):
Նա աշխատել է «Անկախություն» (1991-1995), «Երկիր» (1998-2000), «Ազգ» (2000-2005), ՀԵՏՔ (2005-2006), «Ազդակ» (2005-2016), The Armenian Reporter” (2008-2009) պարբերականներում, Հայաստանի Հանրային ռադիոյում (2004-2008), «Սիվիլիթաս» հիմնադրամում և «ՍիվիլՆեթ» օնլայն հարթակում (2009-2021), «Ալիք Մեդիա»-ում (2021-2025):
Թաթուլ Հակոբյանը Հայկական ուսումնասիրությունների ԱՆԻ հիմնադրամի համակարգողն է և հիմնադիրը:
2005-ին Հակոբյանն արժանացել է Երևանի մամուլի ակումբի ամենամյա մրցանակին` «Ազգ» թերթում տարածաշրջանային զարգացումները լուսաբանելու համար:
2009թ. նա ստացել է Երևանի մամուլի ակումբի մեկ այլ մրցանակ` իր «Կանաչ ու սև. արցախյան օրագիր» գրքի համար:
2014-ին նա արժանացել է Հայկաշեն Օզունյան գրական մրցանակին իր երկրորդ` «Հայերը ու թուրքերը» գրքի համար:
2016թ. Հակոբյանն արժանացել է Երևանի մամուլի ակումբի «Մամուլի ազատության ժամանակը» մրցանակին` Ղարաբաղյան հակամարտության հետևողական և համակողմանի լուսաբանման համար:
Թաթուլ Հակոբյանի հետ կարող եք կապվել՝ գրելով հետևյալ էլեկտրոնային նամակներին.
aniarcf@gmail.com կամ tatarmen@yahoo.com,
Ֆեյսբուքի էջերին.
https://www.facebook.com/profile.php?id=100000616638924
Հեռախոսահամարներ.
374 91 42 64 35 – Viber
374 98 65 53 21 – Whats up
