Հայտարարություն
Հաշվի առնելով ներքաղական օրեցօր լարվող վիճակը կապված հակահեղափոխության հետ Միացյալ Հայաստան կուսակցությունը փաստում է, որ հակահեղափոխության գլխավոր դերակատարները ռոբասերժական կլանի անդամներն են՝ մարդիկ, ովքեր տարիներ շարունակ թալանել, կեղեքել և ահաբեկել են Հայ ժողովրդին:
Նրանք, հիմնականում լինելով ծագումով արցախցի, ամեն տեսակ հանցագործություն կատարելուց բացի, նաև ամբողջ ընթացքում մեծ հարված են հասցրել արցախցու բարի համբավին:
Սիրելի ժողովուրդ, Միացյալ Հայաստան կուսակցությունը կոչ է անում Ձեզ չգնալ սադրանքիների ու չհավատալ հոգեվարքում գտնվող ռոբասերժական կլանի տարատեսակ վիտալիկների և այլոց հոխորտանքներին:
Հայ ժողովուրդը վարչապետ Փաշինյանի գլխավորությամբ մերժել է այդ կլանին և իր բոլոր անդամներին: Նրանց իսկական տեղը կալանավայրերն են և համոզված ենք, որ նրանց այնտեղ հայտնվելու հանգամանքը միայն ու միայն ժամանակի հարց է:
Միևնույն ժամանակ կոչ ենք անում Հայ ժողովրդի արցախյան հատվածին թավշյա հեղափոխության շարունակությունը Արցախում իրականացնել առաջիկայում կայանալիք ընտրությունների միջոցով՝ ընտրելով անաչառ իշխանության մաս չկազմող և ժողովրդի ու պետականության ճակատագրով մտահոգ թեկնածու, դրանով իսկ վերջակետ դնելով հակահեղափոխությանն ու բոլոր տեսակի սպառնալիքներին:
Միացյալ Հայաստան կուսակցություն
Արցախ, 10 հոկտեմբեր, 2019
Դիտել նաև՝
