Քեթի և Փոքրաշեն գյուղերը, որոնք հարևան են միմյանց, մաս են կազմում խոշորացված Մարմաշեն համայնքի, որի կենտրոնը Մայիսյան գյուղն է:
Երկու գյուղերը գտնվում են մարզկենտրոն Գյումրիից համապատասխանաբար 10 և 14 կմ հյուսիս, ծովի մակարդակից 1750-1800 մետր բարձրության, Երևան-Գյումրի-Վրաստան միջպետական ավտոճանապարհի վրա:
Այս գյուղերը գտնվում են արևելքից Ուխտի սար, հյուսիսից Պոլոզսար լեռնաշղթաների մեջ փռված գոգավորությունում:
Քեթին հիմնադրման ժամանակ՝ 1820-ական թթ վերջերին, ունեցել է Մեծ Քեթի անունը: Փոքրաշենը ունեցել է Լեռնանցք և Փոքր Քեթի անունները:
Քեթի գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 258 հոգի, բոլորը՝ հայ
1873 թվական – 584 հոգի, բոլորը՝ հայ
1886 թվական – 730 հոգի, բոլորը՝ հայ
1897 թվական – 913 հոգի (համառուսական՝ ցարական մարդահամար), բոլորը՝ հայ
1904 թվական – 1020 հոգի
1914 թվական – 1127 հոգի, ըստ Կովկասյան օրացույցի
1914 թվական – 1122 հոգի, ըստ արխիվային տվյալների
1916 թվական – 966 հոգի
1919 թվական – 941 հոգի
1922 թվական – 474 հոգի, բոլորը՝ հայ
1926 թվական – 528 հոգի (ԽՍՀՄ առաջին մարդահամար), բոլորը՝ հայ
1931 թվական – 712 հոգի, բոլորը՝ հայ:
Խորհրդային տարիներին Քեթին ունեցել է.
1939 թվական – 921 հոգի
1959 թվական – 872 հոգի
1970 թվական – 865 հոգի
1979 թվական – 807 հոգի:
1989 թվական – 895 հոգի:
Փոքրաշեն գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 121 հոգի, բոլորը՝ հայ
1873 թվական – 275 հոգի, բոլորը՝ հայ
1886 թվական – 323 հոգի, բոլորը՝ հայ
1897 թվական – 388 հոգի (համառուսական՝ ցարական մարդահամար), բոլորը՝ հայ
1904 թվական – 363 հոգի
1914 թվական – 535 հոգի, ըստ Կովկասյան օրացույցի
1914 թվական – 400 հոգի, ըստ արխիվային տվյալների
1916 թվական – 446 հոգի
1919 թվական – 520 հոգի
1922 թվական – 188 հոգի, բոլորը՝ հայ
1926 թվական –218 հոգի (ԽՍՀՄ առաջին մարդահամար), բոլորը՝ հայ
1931 թվական – 285 հոգի, բոլորը՝ հայ:
Խորհրդային տարիներին Փոքրաշենը ունեցել է.
1939 թվական – 369 հոգի
1959 թվական – 309 հոգի
1970 թվական – 196 հոգի
1979 թվական – 212 հոգի
1989 թվական – 193 հոգի:
Խորհրդային շրջանում Քեթին և Փոքրաշենը Ախուրյանի շրջանի գյուղերից էին:
Ախուրյանի շրջանը (մինչև 1945-ը՝ Դուզքենդի շրջան), կազմավորվել է 1937 թվականի դեկտեմբերի 31-ին, տարածությունը՝ 576 քառ. կմ։
