Հայաստանն այսօր ունի ավելի ազատ ու առաջադեմ հասարակություն. Էդգար Մարտիրոսյան

Էդգար Մարտիրոսյանը փաստաբան է, ապրում և աշխատում է Լոս Անջելեսում, հետևում Հայաստանի ներքաղաքական և հասարակական անցուդարձին, Սփյուռքի ներքին խնդիրներին ու մարտահրավերներին: ՍիվիլՆեթի Թաթուլ Հակոբյանի հետ զրույցում Մարտիրոսյանը նշում է, որ Հայաստանում, ապրիլյան թավշյա հեղափոխությունից հետո տեսնում է ավելի ազատ ու առաջադեմ հասարակություն, տեսնում է հուսալի ապագա: Նա ասում է, որ տասնամյակներ անց Հայաստանի քաղաքական համակարգը սկսել է շարժվել: Մարտիրոսյանի կարծիքով՝ Երևանի ավագանու ընտրություններում վարչապետ Նիկոլ Փաշինյանի աջակցությունը վայելող ուժի ստացած 81 տոկոս քվեի մեջ նաև անցյալի՝ Սերժ Սարգսյանի ու ՀՀԿ-ի մերժումն է տեսնում: