Թուրքիայի գլխավոր ընդդիմադիր ուժ համարվող ձախակենտրոնա քեմալիստական «Ժողովրդահանրապետական կուսակցության» (CHP-ԺՀԿ) Քեմալ Քըլըչդարօղլուն հանրահավաք հրավիրելու նպատակով Ադանա մեկնելիս ինքնաթիռում հարցազրույց է տվել թուրքական «Milliyet» պարբերականի թղթակից Մեհվեշ Էվինին:
Ընդդիմադիր կուսակցապետն ուշագրավ հայտարարություն է արել Էվինի հետ զրույցում: Վերջինս հիշեցրել է Թուրքիայի նախագահ Ռեջեփ Թայիփ Էրդողանի՝ Քըլըչդարօղլուին ուղղված այն մեղադրանքները, թե վերջինս «ոչ մի սրբություն չունի», իսկ նրա «մայրն էլ հայ է»:
Ի պատասխան՝ Քըլըչդարօղլուն ասել է. «Ինչ ուզում են՝ կարող են խոսել: Ինչեր ասեք, որ չեն ասել՝ սկսած նրանից, թե մայրս հայ է… Ճիշտն ասած` իմ ընտանիքի ինքնությունը փորփրելը դեմ է մարդու իրավունքներին: Մայրս կարող է և հայ լինել, հետո ի՞նչ: Ես մորս սիրում եմ, Աստված նրա հոգին լուսավորի»:
