ՇՈՒԿԱՅԻ ԱՌԱՒԵԼԱԳՈՅՆ ՆՕՐՄԱԼ ԳՆԵՐ.
Բոլորի համար պարտաւորեցուցիչ ցնոր տնօրինութիւն.
- Ոչխարի միս – 250 ռուբլի ֆունտը,
- Տաւարի միս – 150,
- Գոմեշի միս – 120,
- Բրինձ – 250,
- Պանիր – 225,
- Կարագ իւղ – 500,
- Հալած իւղ – 600,
- Շոռ – 100,
- Կանաչ լոբի – 80,
- Գենտնախնձոր (կարտոֆիլ) – 80,
- Հաւկիթ – 25 րուբլի հատը,
- Կաթ (մաքուր) – 45 ռուբլի ֆունտը,
- Մածուն – 50,
- Բոլոր մրգերը բացի կլուբնիկից և մալինից – 60,
- Վարունգ (ամենամեծը) – 40,
- Կանաչ խոտը – 500 րուբլի՝ բեռը։
Ես, Երևանի Արտակարգ Դատարանի քննիչս ներկայումս հայտնում եմ հասարակության ի գիտութիւն, որ վերև ցուցակագրված մթերքները շուկայում առաւելագոյն նօրմալ գներից յաւելեալ ծախելը, գնելը և ընդհանրապէս բոլոր ապրանքների գների բարձրացումը 1920 թ. մայիս 8-ի ժամանակաւոր օրէնքի 7-յօդւածի հիման վերայ նկատում եմ չարաշահութիւն (սպեկուլեացիայի), հետևաբար անսաստողները յանձնւելու են արտակարգ դատարանին:
Երեւանի Արտակարգ Դատարանի քննիչ՝ Օ. ՄԱՃԱՌԵԱՆ:
Ծանօթութիւն․ 1918 թ. մայիս 8-ին Արտակարգ Դատարանի օրէնքի 7-րդ յօդւածը:
7 –րդ յօդ. Ով որ կթագցնի ապրանքները արհեստականօրէն բարձրացնելու համար գները կամ կծախի ապրանքները չափազանց բարձր գներով – նա կենթարկվի մէկ տարւայ բանտարկութիւնից մինչև մահւան պատիժ կամ 100,000 րուբ. տուգանքից մինչև ամբողջ գոյքի գրաւման յօգուտ պետական գանձարանի:
Ծանոթութիւն․ Յանցանքը սաստկացնող հանգամանք պէտք է համարել օրինակ ա) Եթէ նա կատարում է առաջնակարգ անհրաժեշտութիւն ներկայացնող ապրանքների վերաբերմամբ, բ) Եթէ նոյն յանցանքը կատարելու համար եղել է կաշառատւութիւն, գ) Եթէ հանցագործը պետական կամ հասարակական պաշտօնեալ է:
ՅԱՌԱՋ օրաթերթ, ՀՅԴ, թիւ 140, 6 Յուլիս, 1920
—-
ԱՆԻ-ի կողմից․ այս շրջանում ՅԱՌԱՋ օարաթերթի հատավաճառը 25 ռուբլի էր։
Մեկ ֆունտը հավասար է 453,6 գրամի։
Լուսանկարում՝ Երևանի հին շուկան՝ Ղանթար
